Zwjazk a politika

Zarjadniski zwjazk "Při Klóšterskej wodźe" leži w serbskej Hornjej Łužicy a skića 7.500 wobydlerjam domiznu. Dwě třećinje wobydlerjow su Serbja, najmjeńši słowjanski lud, kiž rěč a kulturu na lubosćiwe a tradicionalne wašnje pěstuje.

Zwjazkowa płonina wobsahuje na 102 qkm 5 sobustawske gmejny a 40 wjesne dźěle. W sobustawskej gmejnje Chrósćicy bydla 1.100, w Njebjelčicach kaž tež we Worklecach 1.200, w Pančicach-Kukowje 2.200 a w Ralbicach-Róžeńće 1.800 wobydlerjow.

Politisce słuša Zarjadniski zwjazk "Při Klóšterskej wodźe" k Budyskemu wokrjesej. Zwjazk so k 01.05.2001 ze zaměrom załoži, gmejnske zarjadnsike nadawki spjelnić.