Sobustawska gmejna Pančicy-Kukow

Gmejna Pančicy-Kukow
Póstowa dróha 8
01920 Pančicy-Kukow

telefon: 035796 94176
telefax: 035796 94174

e-mail: gemeinde(at)panschwitz-kuckau.de
internet: https://www.panschwitz-kuckau.de

Wjesnjanosta

  • Čestnohamtski wjesnjanosta: Markus Kreuz
  • Rěčne hodźiny čestnohamtskeho wjesnjanosty: štwórtk: 15:00 -17:00 hodź. (a po dorěčenju)

Kontowe daty

Ostsächsische Sparkasse
IBAN: DE08 8505 0300 3000 0111 10
BIC: OSDDDE81XXX

Předstajenje

W juhu Zarjadniskeho zwjazka "Při Klóšterkej wodźe" leži gmejna Pančicy-Kukow. Wona je z někak 2.100 wobydlerjemi najsylniša wšěch 5 sobustawkich gmejnow. Gmejnje su 14 wjesnych dźělow přirjadowane: Pančicy, Kukow, Stara Cyhelnica, Kanecy, Hłupońca, Jawora, Kašecy, Lejno, Nowe Městačko, Wotrow, Žuricy, Swinjarnja, Zejicy a Časecy. Pančicy-Kukow njeje jenož gmjenske srjedźišćo, ale tež sydło zarjadniskeho zwjazka. Nimo zakładneje  šule móža so wot wobydlerjow wjacore lěkarske praksy, apoteka, wjacore nakupnišća, dwě bankowe filialy, tankownja atd. wužiwać. Gmejna Pančicy-Kukow mjezuje w sewjeru na awtodróhu A4.

Wosebje znate je Pančicy-Kukow přez Klóšter "Marijina hwězda". Wot spočatka swojeho załoženja w lěće 1248 skići klóšter rjadniskim sotram domiznu. W jubilejnym lěče 1998 wotměłaše so tu prěnja Sakska krajna wustajeńca "Čas a wěčnosć - 750 lět Klóšter Marijina hwězda". Klóšter Marijina hwězda je nošer domu za duchownje zbrašenych. Z internatom (90 městnow), dźěłarnju (80 městnow) a šulu (25 městnow) je wón najwjetši dźěłodawar regiony. Po klóštrje nosy tež rěka mjeno, kotraž wšitke gmejny Zarjadniskeho zwjazka "Při Klóšterskej wodźe" zwjazuje.

Nimo klóštra móža hosćo dalšu wuznamnu zajimawostku wopytać: Wotrowske hrodźišćo. Hrodźišćo dopomina na wulke pućowanje narodow w 6. lětstotku, přez kotrež so Serbja do Łužicy dóstachu. Serbja běchu twarcy tuteho imposantneho pomnika.

Wotrow je tež sydło katólskeje farskeje wosady "Swj. Bena". K farje su wjacore wjeski gmejny Pančicy-Kukow přirjadowane.

Žórło: Zarjadniski zwjazk "Při Klóšterskej wodźe", "Wužitne informacije za wobydlerjow a hosći", 2003